A MUNTAGNERA !!

Eccu,per fà camp appena stu foru,emu da studià sta canzona

A MUNTAGNERA

Ch'ellu si n'è corsu maghju
Sarà più d'una simana ;
Approntati, o capraghju !
A' lascià piaghja è calmana
Ch'ai da fà l'altu viaghju
Dopu ghjuntu in Barghjiana

Avvedeci, o Falasorma !
Cù i parenti è l'amichi
Sempre liati à Niolu
Per e gioie è i castichi ;
Da Montestremu à u mare
Avemu listessi antichi.

Sbuccarè in Caprunale
Guardendu da altu à bassu
Supranendune à O'mita
E' a funtana di u Tassu
Basgiati a croce nova
Chi a vechja ùn s'hè più trova.

Eccu a Mirindatughja,
Ti riposa di a cullata
Ma fà casu à a capra
Ch'ella ùn si sia sbandata
Se tù voli esse in Pùscaghja
Tranquillu pè a nuttata.

Dumane, à tempu ghjornu.
(A cunosci quessa, a scola)
Crisciaranu e fatiche
Nanzu d'esse in Bagnarola.
Di scopre a valle di Tuda
Tutt'ogn'unu si cunsola.


Dopu sò i radi à Noce :
Bassighjendu à e Pratelle
T'avviarè più sicuru
Verdi l'acqua di e Castelle
Nanzu d'esse à u Muricciolu
Sarà croscia a to pelle

Eccuti nu a Spilonca,
Custi a banda si punta
Indu a mandria è aspetta
Chi hà bisognu d'esse munta.
A datti un colpu di manu
A to ghjente sarà ghjunta.

U terzu ghjornu à la mane
Ti n'andarè vulinteri
In Sesta o Petra Pinzuta,
Biccarellu o à Tileri ;
Più che mai ghjunghjaranu
A' l'abbordu i fristeri

Avà chi ai righjuntu
Di l'istate u rughjone
Di tantu in tantu in paese
Affaccati à l'occasione
Poi ùn mancà a to festa
A mane di Sant'Antone


So numarosi assai i lochi muntagnoli,sarebbe bè di truvà qualche foto di tutti sti paisoli,'ssi stazzi,'sse bocche o 'ssi monti...

Eccu Muricciolu:

Pampasgiolu a écrit:

Cunnoscu un pocu uni pochi d'issi lochi, ma ritratti ùn ne aghju manc'unu...

Aghju dighjà studiatu sta canzona in scola, mà i lochi i cunnoscu solu di nome...

l'aghju ma m'incresce di circalli, di stampali..e tuttu u restu ..un n'aghju l'asgiu.

Vechju rompicuglioni