Monte Cervellu

Aghju ritrovu una vechja futtò pigliata u 1 di ghjinnaghju di u 2001 da a Bocca San Bastianu sopr'à Aiacciu.
Un sapiu micca chì era stu monte ammantatu di neve in cima, ma avà a sò (grazia à google earth !) è hè u Monte Cervellu o Ciarvellu cum'è vo vulete, altu di 1624 metri quantunque :




E eccune antru u stessu ghjornu pigliata da u listessu locu è chì mostra sicuramente Sari d'Urcinu è u Ritondu annivatu in fondu (ùn si vede micca bè, ma pensu ch'ellu ùn pò esse cà quessu) :



E mittaraghju annant'à u me situ è google earth da ch'e possu.

Si vede da pertuttu u Ritondu

A furesta di Cervellu, un hè micca sopr'à u ponte vecchiu ?

U Cervellu sera u monte tra a Gravona e u Cruzzini?

à Massimu : iè hè puru vera ! D'altronde ne aghju pigliatu calchì futtò passendu di fronte à ellu. E mittaraghju prussimamente.

à Pampasgiolu : Micca isattamente pensu (o allora mi sbagliu cumplitamente !). Ai a raghjò chì deve esse in lu Cruzinu (ma cunnoscu abbabstanza male e cunfine esatte di u Cruzinu) o in li Dui Sorri o a Cinarca. D'appress'à mè, tocca sti trè rughjoni, ma a Gravona hè uni pochi di chilometri più à u suddu (a Bocca San Bastianu, poca alta è poca cunnisciuta, hè trà Aiacciu è Sagone, è fidiavu versu u Nordu)

L'aghju messu incù u massicciu di u Ritondu parch'ellu mi paria d'esse quellu più vicinu, ma à dilla franca, ùn ne aghju capu. U fattu ch'ellu si chjami "monte" pò indicà ch'ellu hè parte di u so propiu massicciu, ma ùn ci cunnoscu nulla in dinuminazione geologiche.

Mi pare finalamente chì u Cruzinu hè inclusu in la Cinarca, issendu assai menu stesu. O allora si toccanu, è incù i Sorri dinò.

Mi pare chi a Cinarca,so i paesi tra u mare e e creste insu,incu Calacatogiu e tutti sti paesi vicini...

Dopu,ghjuntu in Lopigna,a strada si ne falla sinu à u valle di u Cruzzini,incu Rezza,Azzana e Pastricciola...Ci socu andatu per spassighjà una volta di dicembre,eranu belle e culore e ci eranu qualche vechje case o vechji mulini magnifichi...

Pampasgiolu a écrit:

Mi pare chi a Cinarca,so i paesi tra u mare e e creste insu,incu Calacatogiu e tutti sti paesi vicini...

Dopu,ghjuntu in Lopigna,a strada si ne falla sinu à u valle di u Cruzzini,incu Rezza,Azzana e Pastricciola...Ci socu andatu per spassighjà una volta di dicembre,eranu belle e culore e ci eranu qualche vechje case o vechji mulini magnifichi...

Avii a raghjone, a valle di u Cruzinu ùn hè micca cusì chjuca. U cantone si chjama d'altronde "Cinarca-Cruzzini".
Pà disignà sta carta, mi sò ghjuvatu di e cunfine ufficiale di i cantoni incù u situ di l'insee è ci aghju aghjuntu l'antiche pieve (o cantoni)chì eranu più piccule. Nealmente i nomi è e limite eranu sfarenti tandu (Sia, Salogna, ecc) in tempi ancu più antichi. Mi pare chì avà tuttu sia ghjustu o à pocu pressu.






Aghju incursitu i nomi : tandu si chjamava "sorno in giù" è "sorno in sù" è aghju messu u nome attuale "Sorru" (sigondu u parlatu di Vicu, "carne" face "carri" mi pare) incù inghjò è insù, chì in giù ùn l'aghju mai intesu in corsu.
Eccu dui liami intarissanti :
- cumuna di u Salice : http://salice.capitello.com/
- infurmazione annant'à i paesi, e pieve, e pupulazione, i tuponimi à sfarente epuche : http://www.adecec.net/adecec-net/parutions/nommi2.html

U Cervellu un sera tantu luntanu di u Trittore allora !

Pampasgiolu a écrit:

U Cervellu un sera tantu luntanu di u Trittore allora !

Infatti ! sò vicini sti monti. D'altronde eccu una carta trova annant'à u situ di u Salice:



(apparentemente, dicenu "Monte Ciarvellu" cum'è no a diciariamu sì no avessimu da numinallu, benchì no siamu spiccati da parechji monti)

A furesta di Libbiu,u Cervellu e/o u Trittore si ponu vede di A Soccia e di Croci Maio mi pare...

Sò passatu vicin'à a Bocca di San Bastianu pocu fà è ne aghju fattu prò pà piglià uni pochi di futtò di i stessi lochi di 5 anni fà :




Sta volta, l'apparechju hè di qualità, è a futtò più maiò !

Si vede bè e "torre" di petra di u Trittorre à pena à l'inghjò à dritta.