Rughjone d'Evisa

Eccu une poche di futtò d'una spassighjata istatina in lu circondu di Marignana. Ne aghju dighjà messu certe annant'à u foru corsu, ma ne chjoccu quì quantunque, saranu in piazza soia pensu !

Evisa da luntanu




Quì si pò avvede a muraglia, è in daretu u Capu di melu è u capu Turnatoghju in mezu, è a Paglia Orba è u Tafunatu micca luntanu à manca, cum'è à spessu annant'à ste futtò




U Capu Sant'Anghjulu chì suprana a bocca à Seve



A pista colla assai ma pò esse parcorsa in 4x4 fin'à a muraglia. Suvitendu stu camminu, si raghjunghje e creste.



Sempre in lu stessu camminu, fidiendu versu Seve...





Avà calchì viste panuramiche :

1) Da Verghju fin'à Portu è u Capu d'Ortu




2)Da Evisa fin'à (sguasgi) Seve :




3) A manca, a valle di a Tavulella è à dritta u Fiuminale, cullendu par e creste :

Belle fottò !
Ci sò ghjuntu à spessu quandu era chjucu ind'u rughjone d'Evisa, è ghjè un locu ideale per spassighjà in muntagna partendu di a bocca di Verghju per esempiu, di più ci sò assai fureste quaiò !

Benghjè a écrit:

Belle fottò !
Ci sò ghjuntu à spessu quandu era chjucu ind'u rughjone d'Evisa, è ghjè un locu ideale per spassighjà in muntagna partendu di a bocca di Verghju per esempiu, di più ci sò assai fureste quaiò !

Quì ghjè quantunque di più machja chi furesta

Massimu a écrit:

Benghjè a écrit:

Belle fottò !
Ci sò ghjuntu à spessu quandu era chjucu ind'u rughjone d'Evisa, è ghjè un locu ideale per spassighjà in muntagna partendu di a bocca di Verghju per esempiu, di più ci sò assai fureste quaiò !

Quì ghjè quantunque di più machja chi furesta

ahè sicura chì nant'à ste fottò, ci n'hè pocu di furesta

Un ci hè micca furesta in lu circondu direttu di Marignana, solu una castagniccia è cum'è l'hà detta Massimu machja (soprattuttu in le creste è e cime chì par causa di ventu, l'arburi ùn ponu cresce o crescenu di radu).

Ma cum'è l'hà detta benghjè, ci sò parechje fureste in lu rughjone : Aitone, Lonca è Lindinosa vicin'à Evisa, a furesta di Piana (ùn cunnoscu micca u so nome) è ancu u Valduniellu chì hè a listessa d'Aitone ma da l'altra parte di a bocca.
E fureste sò belle ma hè difficiule assai di piglianne belle futtò, è di sicuru ùn ci si trova belli punti di vista cà di radu. Pruvaraghju quantunque a prussima volta ch'e spassighjeghju in Aitone, o s'e vacu in Albia è u Capu di Melu prussimamente.

Ci hè dinò una castagniccia, ancu più maiò di quella di Marignana, intornu à Evisa. Si face chì u rughjone Marignana-Cristinacce-Evisa hè à spessu chjamatu "a piccula castagniccia".

Eccu duie futtò di Marignana da a strada di u stadiu, in piena castagniccia :

Pigliatu cusì stu paese s'assumiglie à questi di a "vera" castagniccia, cume Bustanicu per esempiu

Una Video chì face un giru sanu di 360 gradi ricurdata da un locu cunnisciutu in lu rughjone chjamatu... Bocca di a Femina Morta ! (ùn sò micca parchè). Si pò vede i lochi di e pricidente futtò.

Pà vedela, ci vole à andà in lu me situ web (tralasciatu par avà...), dopu in "Virsione corsa", è po dopu in "Dui Sevi" (o incù a cartina, o incù u liame tistuale) . Hè u prima liame. Face à pocu pressu 9 Mega Utteti.

u liame versu u me situ : http://pesciu.ifrance.com

Ahah, l'avia vista nant'à a cartulina a "Bocca di a femina morta", un eramu tantu luntanu quand'eramu cullati à Rinella.

Popopò ! Quessi dinò i lochi ! Ci aghju suffertu un pachettu di volte. Sempre apressu à e capre.
L'ultima volta, in Albia, l'affare hè finita in "varape" à mezzu à a neve (mi sò fattu a peura).

Battì a écrit:

Popopò ! Quessi dinò i lochi ! Ci aghju suffertu un pachettu di volte. Sempre apressu à e capre.
L'ultima volta, in Albia, l'affare hè finita in "varape" à mezzu à a neve (mi sò fattu a peura).

Ogni tantu, babbu ci andava à fà a legna in Albia, è mi ci arricava, ma sò anni ch'ùn ci sò più andatu. Mi piaciaria à vultacci unu di sti ghjorni, ma temu d'ùn avè micca tempu...

eiuSTeSSu a écrit:

Ogni tantu, babbu ci andava à fà a legna in Albia, è mi ci arricava, ma sò anni ch'ùn ci sò più andatu. Mi piaciaria à vultacci unu di sti ghjorni, ma temu d'ùn avè micca tempu...

Hè d'Evisa u tò babbu ?

iè ma ùn ci aghju micca casa, solu tarreni, si face ch'ùn facia cà cansammi qualà senza stacci.

Massimu a écrit:

Ahah, l'avia vista nant'à a cartulina a "Bocca di a femina morta", un eramu tantu luntanu quand'eramu cullati à Rinella.

Mi pare ch'ella ci sia una "punta di a femina morta" dinò, ma ùn sò micca s'ellu ci hè un raportu trà i dui... Sì tù ne sai di più ?

Battì a écrit:

eiuSTeSSu a écrit:

Ogni tantu, babbu ci andava à fà a legna in Albia, è mi ci arricava, ma sò anni ch'ùn ci sò più andatu. Mi piaciaria à vultacci unu di sti ghjorni, ma temu d'ùn avè micca tempu...

Hè d'Evisa u tò babbu ?

E tù sè Visincu ? Sì tù sè di u rughjone, pò dassi ch'e t'appia dighjà avvistu senza sapella in una di e numarose feste di u circondu

eiuSTeSSu a écrit:

E tù sè Visincu ? Sì tù sè di u rughjone, pò dassi ch'e t'appia dighjà avvistu senza sapella in una di e numarose feste di u circondu

Eiu stocu in piaghja.

Ma tantu, cum'è l'hai scrittu, ci semu dighjà visti, vistu chi eiu sò cullatu qualche volte à fà u lione di comptoir in Evisa.