Google Earth

U prugramma oramai cunnisciutu Google Earth pò esse un aiutu di prezzu par quale si vole rende contu di a geografia "da quassù", o simplicemente ricunnosce un monte, una cima, un locu qualunque. Hè ghjuvevule dinò pà fassi una idea prima di parte in marchja di e viste. (vi varantiscu ch'ellu hè abbastanza fidele à a rialità, quand'e l'aghju adupratu almenu !)

Pà quelli intarissati, aghju fattu un ducumentu in lu quale si trovanu tutti i nomi di lochi (pupulati o nò) ch'e cunnoscu è ch'e aghju pussutu idintificà, a spergu senza sbagliu maiò. Di sicuru ci ne sò di più in lu me rughjone, postu ch'e u cunnoscu megliu. A volte ci sò ancu liami versu futtò di u locu ( mettu e futtò à misura ch'e e pigliu). Un ci hè bisognu à dilla, ma di sicuru tuttu ugnunu hè patrone d'aghjunghje ciò ch'ella li pare una volta u ducumentu scaricatu, è hè ancu cunsigliata, cusì pudariamu amparà l'uni da l'altri i nostri lochi rispittivi.

Stu ducumentu si chjama "lochi" è pò esse scaricatu da u me situ sott'à u nome "lochi è paesi di Corsica". (Google Earth hè richersu di sicuru, ci hè un liame pà buscallu annant'à u situ)
Scaricatu u ducumentu "lochi", basta à doppiu cliccà annantu è Google Earth s'apre da par ellu incù ste nove infurmazione.

Poi dà u ligame di u scaricamentu per piacè?

Sinnò, Google Earth, mi piace, mà incù u coghju ch'aghju cum'urdinatore un viaghja mancu per ride...

Sicura, chì strumpalatu mi sò scuradatu di dà u liame di u situ !!

http://pesciu.ifrance.com

Le lien de ce fichier est accessible depuis n'importe quelle version en principe, dès la première page où se trouve la carte des régions, il faut faire défiler un peu. (au pire essayer la version corse, là c'est sûr que ça marche).
Voilà !

eiuSTeSSu a écrit:

Sicura, chì strumpalatu mi sò scuradatu di dà u liame di u situ !!

http://pesciu.ifrance.com

Le lien de ce fichier est accessible depuis n'importe quelle version en principe, dès la première page où se trouve la carte des régions, il faut faire défiler un peu. (au pire essayer la version corse, là c'est sûr que ça marche).
Voilà !

Ti ringraziemu

bravu ! sarebbi bè d'altronde di cumplettà ciò ch'è tù ai fattu, cumu si pò fà per aiutatti à mette d'altri nomi ?

è qualchissia sà cumu fà pè aghjustà punti "I" ch'ellu si pò vede nant'à Google Earth ? tutt'ognunu i po mette è ci sò tanti sbaglii è cunnerie ch'ellu serebbi bè di curegge...

per esempiu què...


o què...

der bomber a écrit:

bravu ! sarebbi bè d'altronde di cumplettà ciò ch'è tù ai fattu, cumu si pò fà per aiutatti à mette d'altri nomi ?

è qualchissia sà cumu fà pè aghjustà punti "I" ch'ellu si pò vede nant'à Google Earth ? tutt'ognunu i po mette è ci sò tanti sbaglii è cunnerie ch'ellu serebbi bè di curegge...

per esempiu què...

o què...

Sfurtunatamente ùn sò micca cumu fà par aghjustà i punti "I" (nè pà caccialli !!!), chì cum'è tù l'ai detta hè à spessu n'importa chè...

Par quant'ella riguarda e marche ch'e aghju fattu, basta à andà in lu menù "add" quassù, è sceglie "placemark". Dopu u "placemark" pò esse spiazzatu, è editatu incù un cliccu drittu di u topu annantu: ci hè tandu un menù chì spunta è s'omu chjocca "advanced", si pò sceglie u culore è a forma di a marca.
Eccu a ligenda ch'e aghju sceltu par chì a carta sia à pena più chjara :
- a marca "nurmale" (un chjerchju giallu incù un pinzu biancu ingrentu) hè aduprata par i lochi pupulati (cità, paesi è paisoli)
- a stessa marca ma tutta rossa ghjova à idintificà e bocche (stradale o nò)
- a stessa marca tutta turchina mostra i laghi (di sicuru !)
- a listessa marca tutta arancia hè par e curiusità (torre, cappelle, ruvine, isule, ...) o i lochi numinati (quartieri, rughjoni lucali, lucalità,...).
- ci sò dinò marche simule (fora di i culori) par i lochi di fiere, è ancu par e fureste.
- e marche fatte à monti è brune sò di sicuru risirvate à e cime è altri monti.

Sì vo vulete aghjunghje cose, sete di sicuru patrone di sceglie a ligenda chì vi cunvene. Quand'è vo sciaccate una marca, a marca spunta dinò à manca in lu rittangulu biancu. Pà salvà u vostru travagliu, fate un cliccu drittu sopr'à u principiu di a lista ("My places" o calcosa cusì) è sciglite "save as". Dopu u pudete mandà à l'altri o mettelu in linea.

Eccu par e me spiigaziunacce...

Par quelli chì sò intarissati, un novu rughjone hè dispunibile in alta risuluzione in Google Earth (soprattuttu a Castagniccia)

eiuSTeSSu a écrit:

Par quelli chì sò intarissati, un novu rughjone hè dispunibile in alta risuluzione in Google Earth (soprattuttu a Castagniccia)

mi mi mi ! ùn avia micca vistu magnificu ! ancu si a resuluzione hè appena strana, si pò vede u Boziu è a Castagniccia cù u San Petrone sott'à a neve !

Cumu fà pêr vede?un ci riescu micca

Pampasgiolu a écrit:

Cumu fà pêr vede?un ci riescu micca

Un ci hè nulla di spiziale da fà in principiu, solu avvià u prugramma. Pudarè avvede un area imbianchita à u livante di Corti : quessa hè in alta risuluzione è ùn ci era micca calchì ghjorni fà.
Sì tù dai retta, rimarcarè chì à u miziornu d'iss'area tocca un antra zona in alta risuluzione, più vechja, è ch'ella ci hè una muntagna cuparta di neve in una area...è micca in l'altra !!

Boh, un possu mancu avè stu prugrammu