Aiutu par i nomi

Mi rendu sempre di più contu ch'ella hè difficiule à sapè cum'elli si prununzianu i nomi di lochi o di parsone quand'è no ùn l'emu mai intesi. Hè casu di parechji nomi di lochi luntani è almenu par mè hè un pinseru è un capatoghju... Allora vi prupongu di scrive quì sottu i nomi à prununzia particulare (vale à dì quandu l'aletta hè annant'à l'antepinultima sillaba) chì vo cunniscite di manera certa. Sì mai ùn sete micca d'accordu incù calcosa chì calchì sia altra hà scrittu, ditela puru. Cumenciu :

Lochi pupulati :

Casamà-cciuli
é-visa
u Sà-lice
Lo-pigna
Fì-gari
Cà-nari
Zì-cavu
Zé-vacu
Piano-ttuli
Basté-lica
Vè-nacu (vè o vé ?)
Ar-buri
Ru-tali
Sà-rrula
Campidò-nicu
Barré-ttali o Barré-tali ?

Lochi naturali :

L'à-raghju ("u tornu di l'a-raghju" in lu circondu di Marignana)
u Capu à a Cù-ccula (sopr'à Verghju)
a Restò-nica
u Ta-ravu
u Capu Macè-nnule (sopr'à Seve) (micca sicura)
u Cru-zinu
Scan-dula
a Bocca d'Avar-toli
a Punta Ar-tica
Sa-vaghju

Casate :

Prununzia accirtata :
Gerò-nimi
Bàr-toli
Cristo-fari
Pà-oli
Cò-miti
Mas-poli
Qui-rici
Ar-bori
An-geli
Stefano-poli o Stephano-poli ?
Angé-lici
Sin-dali
Grisò-stomi
Sté-fani
Canò-nici

Dubitu inquant'à a prununzia (duie manere intese) :

Ponzé-véra o Ponzévé-ra ?
Marcan-géli o Marcangé-li ?
Giovan(n)an-géli o Giovan(n)angé-li ?
Mèrcu-ri o Mèr-curi ?

Passu in furia, ghjustu per dì chì a prununziazione di Venacu ghjè "Vé-nacu"
Sinnò possu agghjunghje u "Sant'Ànghjulu"

Pè quelli chi cunoscu, ùn vecu micca sbagli.

Marcangeli, nurmalmente si prununcia MarcANgeli.
Ma c'hè tanta ghjente chi face u sbagliu...

Per Taravu,mi pari ch'iddi dicini à spissu TA-Lavu dinu

Lochi pupulati :

Casamà-cciuli
é-visa
u Sà-lice
Lo-pigna
Fì-gari
Cà-nari
Zì-cavu
Zé-vacu
Piano-ttuli
Basté-lica
Vè-nacu (vè o vé ?)
Ar-buri
Ru-tali
Sà-rrula
Campidò-nicu
Barré-ttali o Barré-tali ?
O-cana
Busta-nicu

Lochi naturali :

L'à-raghju ("u tornu di l'a-raghju" in lu circondu di Marignana)
u Capu à a Cù-ccula (sopr'à Verghju)
a Restò-nica
u Ta-ravu
u Capu Macè-nnule (sopr'à Seve) (micca sicura)
u Cru-zinu
Scan-dula
a Bocca d'Avar-toli
a Punta Ar-tica
Sa-vaghju

Casate :

Prununzia accirtata :
Gerò-nimi
Bàr-toli
Cristo-fari
Pà-oli
Cò-miti
Mas-poli
Qui-rici
Ar-bori
An-geli
Stefano-poli o Stephano-poli ?
Angé-lici
Sin-dali
Grisò-stomi
Sté-fani
Canò-nici

Dubitu inquant'à a prununzia (duie manere intese) :

Ponzé-véra o Ponzévé-ra ?

Marcan-géli o Marcangé-li ? ----> Pà Battì : pinsavu cum'è tè di manera certa innanzu postu ch'ellu ci hè "an-geli" chì hè chjaramente a forma tuscanizata di "an-ghjuli"... fin'à chì babbu mi chjuccassi un dubitu in capu.L'aviu dumandata è m'avia rispostu : "si dice "Marcangé-li" a t'assicurgu, ch'ella sia logica o nò, hè cusì" è hè di lingua materna corsa...ciò ch'ùn vole micca dì ch'ellu ùn si pò sbaglià o ripete i sbagli di l'altri !!! Hè vera chì u fattu d'aghjughjunghje un suffissu cambi a piazza di l'accentu ma ùn sò nulla à prupositu di l'appicciamentu d'un prefissu...Ci vurria à chere à un spizialistu di linguistica...o à calchì omu chì si chjama cusì !!

Giovan(n)an-géli o Giovan(n)angé-li ? ---> hè listessu affare quì...

Mèrcu-ri o Mèr-curi ? ---> S'assumiglia à mèr-curi/mar-curi di sicuru ma dinò à mèrcu-riu dunque chì pinsà

Benghjè a écrit:

Passu in furia, ghjustu per dì chì a prununziazione di Venacu ghjè "Vé-nacu"
Sinnò possu agghjunghje u "Sant'Ànghjulu"

A ringraziatti pà "Vé-nacu" !

Esatta m'eru scurdatu di u Sant'Anghjulu è mi vargogna postu ch'ellu ci hè un monte chì si chjama cusì sopr'à u me paese... (mi pare ch'elli ci sianu parechji anghjuli santi in tarra nustrale )

Pampasgiolu a écrit:

Per Taravu,mi pari ch'iddi dicini à spissu TA-Lavu dinu

Hè puru pussibule, sta spezia di prununzia si face in certi lochi ma ùn sò micca qualessi...Forse u Taravu

Aghj'amparatu quill'estate ch'ùn ci vulìa micca à prununzià "Bavella" à l'usu "supranacciu", infine ci vole à dì : "Bavedda" prununziendu u "v" postu chì sè no dimu "Bawouélla" sarebbe listessa chè di prununzià à l'usu pinzutu ("les aiguilles d'Bavella siouplait" )
Un suttanacciu chì gira pè sti lochi pudarebbe cunfirmà...

Benghjè a écrit:

Aghj'amparatu quill'estate ch'ùn ci vulìa micca à prununzià "Bavella" à l'usu "supranacciu", infine ci vole à dì : "Bavedda" prununziendu u "v" postu chì sè no dimu "Bawouélla" sarebbe listessa chè di prununzià à l'usu pinzutu ("les aiguilles d'Bavella siouplait" )
Un suttanacciu chì gira pè sti lochi pudarebbe cunfirmà...

U Suttanacciu hè una spezia rada quinci mi pare

Benghjè a écrit:

Aghj'amparatu quill'estate ch'ùn ci vulìa micca à prununzià "Bavella" à l'usu "supranacciu", infine ci vole à dì : "Bavedda" prununziendu u "v" postu chì sè no dimu "Bawouélla" sarebbe listessa chè di prununzià à l'usu pinzutu ("les aiguilles d'Bavella siouplait" )
Un suttanacciu chì gira pè sti lochi pudarebbe cunfirmà...

Ebbè eiu un dicerebbe micca BAVEDDA, pè fà piacè à sti suttannacci !
Prifergu esse pinzutu chi sutannacciu

eiuSTeSSu a écrit:

Ci vurria à chere à un spizialistu di linguistica...o à calchì omu chì si chjama cusì !!

Chjama puri à GC Antolini à Microcosm,u ghjovi à 1 ore dopu meziornu

Possu mette Cucca-vera, è micca Cuccave-ra cume si sente sempre..
(Bocca in faccia di Caprunale)

bunissima idea o eiuSTeSSu !

eiuSTeSSu a écrit:

Dubitu inquant'à a prununzia (duie manere intese) :

Ponzé-véra o Ponzévé-ra ?
Marcan-géli o Marcangé-li ?
Giovan(n)an-géli o Giovan(n)angé-li ?
Mèrcu-ri o Mèr-curi ?

aghju sempre intesu dì "Ponzèvera".

pè Marcàngeli cum'è tù a dici l'accentu porta nant'à u "an", postu chì vene da u nome marcu anghjulu... ma tuttu u mondu face u sbagliu !

pè Giovannàngeli hè listessu, postu chì a casata vene da Ghjuvan Angeli.

pè Mèrcuri l'accentu porta nant'à u E.


o sinnò si pò aghjustà i nomi di paesi :
- Omèssa (è micca òmessa)
- Àlandu (è micca alàndu...)
- Sàvaghju (è micca savàghju)

A ringraziavvi à tutti :

Pà Cuccavera, mi ne dubitavu ma ùn ne eru micca sicuru. Avà sì !
Pà e casate, sò d'accunsentu cù tegu o Der Bomber, si devenu dì cusì. Hè quantunque strana è piccatuchì tanta ghjente, ancu i vechji, si sbaglinu.

Chi sapientone stu bomb

Ci vurria à aghjustà :
é-ccica
u rifugiu di Man-ganu (ùn la sapiu mancu fin'à ch'e u sintissi annant'à RCFM l'altru ghjornu)

Inde a canzona "l'ALTU SILENZIU",cantanu u MangAnu...e dipoi un aghju mai pussutu capi perche

Pampasgiolu a écrit:

Inde a canzona "l'ALTU SILENZIU",cantanu u MangAnu...e dipoi un aghju mai pussutu capi perche

Iè stavu à sentela micca più tardi di sta mane. Ma ci ponu esse parechje spiigazione :

- e nicissità di u versu è di a rima
- u fattu chì cantendu l'accentu si senti menu
- un sbagliu, o da u tippu ch'e aghju intesu parlà à a radiu, o da l'autore
- u fattu ch'elle ci sianu soca parechje prununzie pussibule sigondu i lochi
- s'ellu trattassi d'un altru affare di stu rifugiu chì si chjama listessu ma si prununzia sfarentemente... ùn si sà mai
- ùn la so chene...

Bah eiu aghju sempr'intesu MANganu, ancu sè u mo ziu chi strappa tutti i nomi dicia MangAnu

eiuSTeSSu a écrit:

Ma ci ponu esse parechje spiigazione :

- e nicissità di u versu è di a rima

Quan'à mè, hè què a raghjone.
M'ha sempre stracciatu i tympan, stu versu.

Un aghju sempre intesu chè Sava-ghju ...
Si sbaglieranu tutti ?

Massimu a écrit:

Un aghju sempre intesu chè Sava-ghju ...
Si sbaglieranu tutti ?

iè, ti possu assicurà ch'ellu ci vole à prununzià Sàvaghju.

Facciu vultà u sughjettu solu pà dà duie pricisione :

- m'eru scurdatu di dì chì "Cuccavera", cù l'incalcu sopr'àu prima -a- si dice "cuccavara" in lu rughjone, cù un -a- dunque, ciò ch'ùn cambia nulla à u incalcu ben'intesa.

- ne aghju avutu a cunfirmazione pocu fà : a casata "Mercuri" si prununzia "mèrcu-ri" è micca "mèr-curi". Cum'e' l'aviu messu in la prima missaghju, eru ind'ì l'incirtezza causa d'ùn sapè micca s'ellu vinia da "mercuri" (ciò chì cagiunaria a prununzia "mer-curi) o da "mercuriu" (ciò chì causaria a prununzia "mercu-ri). Ma i me dubiti sò crisciuti quand'e' aghju vistu chì una parsona d'issa casata è tarcana in corsu dicia "mercu-ri".

In rialità, a casata Mercuri hè à spessu scritta cù "y" in finale.
Parchè ?
Parchì tandu c'era in talianu (lingua uffiziale in corsu à sti tempi, a ramentu) a lettara "j" chì avia u rollu d'una "i" longa (doppia dunque) è Mercuri era scrittu Mercurj, issendu u plurale di Mercurio (cum'ì vo a sapete, e casate sò à u plurale à spessu).
Ma chì hè u ligame cù a scrittura Mercury cù a y ?
Quand'ì l'usu di "j" cum"è "i" longa s'hè persu (era un usu vechju assai è abandunatu oghje), a ghjente chì tinianu i rigistri l'anu rimpiazzata cù "y", ma micca sempre, certe volte anu messu a "i" semplice. Eccu a spiigazione di e casate corse cumpiendu cù "y".

Ne risulta chì a casata Mercuri o Mercury (soca ci sarà ancu Mercurj ma què ùn l'aghju mai vistu) vene da u nome Mercurio, ch'asistia da nome tandu (un me antenatu si chjama cusì).

Ma tuttu què ùn impidisce micca ch'ella ci sia un' antra origine à a casata Mercuri, ma ùn ci crergu tantu.
Dunqu